Jaco & Elize 16 Desember 2008

Om by troues betrokke te wees, is altyd vir ons baie spesiaal. In die verlede het ons die geleentheid gehad om van ons vriende se spesiale dae saam met hulle te deel en te ver-ewig met foto's.

Hierdie troue was ekstra spesiaal... Ons sussie het getrou! Wat 'n pragtige paartjie, wat 'n lieflike gesin, wat 'n wonderlike dag... Ons gebed en wens vir Jaco en Elize (en al die kids!) is 'n toekoms van baie vreugde, geluk en liefde. Dit was werklik 'n voorreg om so nou betrokke te kon wees.

Vir ons huweliksherdenking in September het ons by O's, in Parys, gaan eet. Min wetende dat die aand die begin van vele meer uitstappies na hierdie pragtige restaurant langs die Vaalrivier sou wees! Hulle besonderhede is te kry by www.osrestaurant.co.za

Elize het by Green Gables aangetrek, en ons het die fotosessie ook daar gedoen. Dit het regdeur die shoot gevoel of ons erens op 'n plaas in Stellenbosch is. Werklik pragtig!

Die hangbrug in Parys is een van die dinge wat jy moet sien as jy daar deur ry. Al is dit net om na al die mense doer onder te kyk!

Die son het gesak, en ons was so bevoorreg om die "golden hour" oor hierdie "golden couple" te sien sak...

Magda, ons oudste sussie, was die kunstenaar agter die pragtige troukoek...

Weereens geluk! Mag julle deur voorspoed en geluk oorval word!